თბილისის ცირკი იყიდება

გმირთა მოედანზე მდებარე თბილისის ცირკის შენობა და მასზე დამაგრებული მიწის ნაკვეთი იყიდება.

თბილისის ცირკი გასაყიდად Coliers International Tbilisi-მა გაიტანა. კომპანიის ვებგვერდეზე ვკითხულობთ, რომ მიწის საერთო ფართი 21 014 მ2-ია, ხოლო 5-სართულიანი შენობის სრული ფართი – 4 750 მ2.

Coliers International Tbilisi-ს საიტზე ვკითხულობთ, რომ შენობა შერეული ფუნქციით (ოფისები, სასტუმრო, ღონისძიებების ცენტრი) შეიძლება დაიტვირთოს.

შენობა 1939 წელს საბჭოთა არქიტექტორმა ნიკოლაი ნეპრინცევმა ააგო. მას კულტურული მემკვიდრეობის ძეგლის სტატუსი აქვს.

თბილისის ცირკის მფლობელია სააქციო საზოგადოება თბილისის ცირკი.

 

ნეტგაზეთის მასალების სხვა გამოცემებში გადაბეჭდვის წესი
ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com