წუხელ ლონდონში ფიფამ 2017 წლის საუკეთესო მწვრთნელი, ფეხბურთელები, მეკარე, გოლის ავტორი და ფანები გამოავლინა. ისინი ეროვნული ნაკრებების მწვრთნელებმა და კაპიტნებიმა დაასახელეს.
კაც ფეხბურთელებს შორის პორტუგალიელი ვარსკვლავი კრიშტიანუ რონალდუ ზედიზედ მეორე წელია არ თმობს ამ ტიტულს. მადრიდის “რეალის” ფეხბურთელის კონკურენტები ამ ნომინაციაში ბრაზილიელი ნეიმარი და არგენტინელი ლიონელ მესი იყვნენ. კრიშტიანუ რონალდუს, ჯამში, მეხუთე ოქროს ბურთი მოუგროვდა – იმდენივე, რამდენიც აქვს ლიონელ მესის.
საუკეთესო მწვრთნელად ფეხბურთის ფრანგი სპეციალისტი ზინედინ ზიდანი დასახელდა, რომელთან ერთადაც მადრიდის “რეალმა” ზედიზედ ორჯერ შეძლო ევროპის ყველაზე პრესტიჟული საკლუბო ტურნირის, ჩემპიონთა ლიგის მოგება.
[blue_box]საუკეთესო მეკარის ტიტული იტალიელ ჯანლუჯი ბუფონს ხვდა წილად; საუკეთესო ქალი ფეხბურთელი ჰოლანდიელი ლიკე მარტენსი, ხოლო ქალი მწვრთნელი, ასევე, ჰოლანდიელი – სარინა ვიგმანი. ფეხბურთის სპეციალისტები შეთანხმდნენ, რომ გასულ წელს საუკეთესო გოლი ლონდონის “არსენალის” ფორვარდმა, ოლივიე ჟირუმ გაიტანა.[/blue_box]