აქცია შრომის პირობების უსაფრთხოების დაცვის მოთხოვნით საქართველოს მთავრობის კანცელარიასთან. ფოტო: ნეტგაზეთი/გივი ავალიანი. 28.04.2017

სოფელ აკურის სკოლის რეაბილიტაციისას იატაკი ჩაინგრა და მუშა ჩავარდა

დღეს, 11 ოქტომბერს, კახეთის მუნიციპალიტეტის სოფელ აკურის საჯარო სკოლის რეაბილიტაციისას იატაკი ჩაინგრა და მუშა ჩავარდა. ამის შესახებ ინფორმაცია საქართველოს შინაგან საქმეთა სამინისტროში დაგვიდასტურეს.

ტელეიმედის ინფორმაციით, ახალგაზრდა კაცი ხერხემლისა და წელის მალების დაზიანებით სასწრაფო დახმარების ბრიგადამ თელავის საავადმყოფოში გადაიყვანა. თელავის რეფერალური საავადმყოფოს დირექტორმა, ხათუნა ჭონიაშვილმა “იმედს” განუცხადა, რომ დაშავებულს პირველადი დახმარება ჩაუტარდა, ხოლო მდგომარეობის დასტაბილურების შემდეგ, მაღალტექნოლოგიური ქირურგიული ინტერვენციის მიზნით, პაციენტი თბილისში გადაიყვანეს.

საქართველოს შინაგან საქმეთა სამინისტროში ნეტგაზეთს განუცხადეს, რომ მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს.

აქცია შრომის პირობების უსაფრთხოების დაცვის მოთხოვნით საქართველოს მთავრობის კანცელარიასთან. ფოტო: ნეტგაზეთი/გივი ავალიანი. 28.04.2017

აქცია შრომის პირობების უსაფრთხოების დაცვის მოთხოვნით საქართველოს მთავრობის კანცელარიასთან. ფოტო: ნეტგაზეთი/გივი ავალიანი

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ საკითხებს და სხვა მიმდინარე მოვლენებს.