თბილისის მერობის კანდიდატი “ქართული ოცნებიდან” კახა კალაძე ამბობს, რომ არჩევნებში მისი გამარჯვების შემთხვევაში საპატრიარქოსთვის მიწების გადაცემის საკითხზე გადაწყვეტილება “ინდივიდუალური განხილვის საფუძველზე” მიიღება. ამ საკითხის შესახებ კალაძეს შეკითხვა ნეტგაზეთმა დაუსვა.
კითხვაზე, გაგრძელდება თუ არა საპატრიარქოსთვის მიწების გადაცემის პრაქტიკა მისი მერად არჩევის შემთხვევაში, კალაძემ უპასუხა: “გაგრძელდება ინდივიდუალური განხილვები და ამის შედეგად იქნება მიღებული გადაწყვეტილება”.
