საქართველოს ფინანსთა მინისტრი დიმიტრი ქუმსიშვილი 11.01.17 ფოტო: ნეტგაზეთი/მარიამ ბოგვერაძე

მთავრობის პროგნოზით, წელს საქართველოს ეკონომიკა 4.5%-ით გაიზრდება

მთავრობის პროგნოზით წელს საქართველოს ეკონომიკა 4.5%-ით გაიზრდება.

„სავალუტო ფონდი დადებითად აფასებს 2018 წლის ბიუჯეტის პროექტს, რომელიც პარლამენტს წარვუდგინეთ. ჩვენ და სავალუტო ფონდი შევთანხმდით ყველა ძირითად მაკროეკონომიკურ პარამეტრზე. მნიშვნელოვანია, რომ საერთაშორისო სავალუტო ფონდმა საქართველოს ეკონიმუკური ზრდის პროგნოზი კონსერვატორული 3.5%-დან 4.3%-მდე გაზარდა 2017 წელს.

მომავალ წელს სავალუტო ფონდი ქვეყნის ეკონომიკურ ზრდას კვლავ კონსერვატორული პროგნოზით, 4.2%-ით გეგმავს. რაც შეეხება ჩვენს პროგნოზს, წელს ეკონომიკური ზრდა 4.5% იქნება. ამის თქმის საშუალებას საბიუჯეტო შემოსავლებისა და მიმდინარე ხარჯების დინამიკა გვაძლევს,“- განაცხადა ფინანსთა მინისტრმა, ვიცეპრემიერმა დიმიტრი ქუმსიშვილმა.

ვიცეპრემიერის თქმით, საბიუჯეტო დეფიციტი 3.6% -დან 3%-მდე შემცირდა.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.