ხადიჯა ისმაილოვა

ხადიჯა ისმაილოვა “ალტერნატიული ნობელის პრემიით” დაჯილდოვდა

აზერბაიჯანელი გამომძიებელი ჟურნალისტი ხადიჯა ისმაილოვა დაჯილდოვდა Right Livelihood პრიზით, რომელსაც ევროპული მედიასაშუალებები “ალტერნატიულ ნობელს” უწოდებენ. ფონდი, რომელმაც ისმაილოვა ზემოხსენებული პრიზით დააჯილდოვა, სტოკჰოლმშია ბაზირებული.

ხადიჯა ცნობილი გამომძიებელი ჟურნალისტია აზერბაიჯანში. 2014 წელს ფალსიფიცირებული ბრალდებებით დაახლოებით წელიწადნახევრით დააკავეს. ამჟამად ხადიჯა ისმაილოვა თავისუფალია, თუმცა, სასამართლოს გადაწყვეტილებით, აზერბაიჯანიდან ვერ გადის.

ფონდის ჟიური აცხადებს, რომ ისმაილოვა კორუფციის წინააღმდეგ ბრძოლისათვის დაჯილდოვდა.

ისმაილოვასთან ერთად ჯილდო ეთიოპიელმა აქტივისტმა და ინდოელმა ადვოკატმა მიიღეს. პრიზი 3 მილიონი შვედური კრონია ($374 ათასი), რომელსაც სამივე გამარჯვებული გაინაწილებს.

 

 

დაჯილდოვების ცერემონიალი 1 დეკემბერსაა დაგეგმილი. აღნიშნული ფონდი და ჯილდო 1980 წელსაა დაარსებული.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რეპორტიორი 2013 წლიდან. აშუქებს პოლიტიკის, ადამიანის უფლებების, ევროკავშირის საკითხებს და სხვა მიმდინარე მოვლენებს. Email: davit.qoqoshvili@gmail.com