ოპერის მომღერალი ზურაბ სოტკილავა გარდაიცვალა

ოპერის მომრერალი ზურაბ სოტკილავა 80 წლის ასაკში მძიმე ავადმყოფობისგან გარდაიცვალა. ამის შესახებ ინფორმაციას კულტურის სამინისტრო ადასტურებს. ვინაიდან სოტკილავა ოჯახთან ერთად რუსეთში ცხოვრობს, ჯერჯერობით უცნობია, სად დაკრძალავენ მას.

სოტკილავა 1965-1974 წლებში იყო თბილისის ოპერისა და ბალეტის თეატრის სოლისტი. 1974 წლიდან კი მოსკოვის დიდი თეატრის სოლისტი გახდა. 1975 წლიდან იყო მოსკოვის კონსერვატორიის პედაგოგიც.

მისი შესრულებული პარტიებია – აბესალომი (ზ. ფალიაშვილი “აბესალომ და ეთერი”), არზაყანი (ო. თაქთაქიშვილის “მთვარის მოტაცება”), ვოდემონი(პ. ჩაიკოვსკის “იოლანტა”), მანრიკო, ოტელო, რიჩარდი, რადამესი, ჰერცოგი(ჯ. ვერდის “ტრუბადური”, “ოტელო”, “ბალ-მასკარადი”, “აიდა”, “რიგოლეტო”), ხოზე (ბიზეს “კარმენი”), კავაროდოსი პუჩინის “ტოსკა”), ედგარი(დონიცეტის “ლუჩია დი ლამერმური”), ინდოელი სტუმარი(რიმსკი-კორსაკოვის “სადკო”) და სხვა.

მიღებული აქვს სხვადასხვა ჯილდოები და პრემიები:

  • 2008 – პრემია “ოვაცია”
  • 1998 – შოთა რუსთაველის სახელობის სახელმწიფო პრემია
  • 1997 – ღირსების ორდენი
  • 1983 – ზაქარია ფალიაშვილის სახელობის პრემია
  • 1979 – სსრკ სახალხო არტისტი
  • 1976 – შრომის წითელი დროშის ორდენი
  • 1973 – საქართველოს სახალხო არტისტი
  • 1970 – პეტრე ჩაიკოვსკის სახელობის საერთაშორისო კონკურსი, I პრემია და “გრან-პრი”, ( IV საერთაშორისო კონკური, ბარსელონა)
  • 1968 – ახალგაზრდობისა და სტუდენტთა საერთაშორისო ფესტივალი(სოფია), მთავარი პრიზი “ოქროს ორფეოსი

ნეტგაზეთის მასალების სხვა გამოცემებში გადაბეჭდვის წესი
ავტორი
ელენე ხაჭაპურიძე არის ნეტგაზეთის რეპორტიორი 2011 წლიდან. აშუქებს პოლიტიკის, განათლების, ჯანდაცვის, ადამიანის უფლებებს და მიმდინარე მოვლენებს. e-mail ellen.khachapuridze@gmail.com