დავით ნარმანია 14.03.17 ფოტო: ნეტგაზეთი/მარიამ ბოგვერაძე

ნარმანია: კვლავ საჯარო სექტორში დავრჩები

თბილისის მერის, დავით ნარმანიას თქმით, თანამდებობაზე ვადის ამოწურვის შემდგომ კვლავ საჯარო სექტორში აპირებს მუშაობის გაგრძელებას.

ეს განცხადება დედაქალაქის მერმა 13 სექტემბერს ადგილობრივი ეკონომიკური განვითარების მეათე საერთაშორისო ფორუმზე გააკეთა. ფორუმი სასტუმრო ბილთმორში 13-14 სექტემბერს იმართება.

ნარმანიას მეტი დეტალების შესახებ არ უსაუბრია.

მანამდე ვრცელდებოდა ინფორმაცია, რომ არჩევნების შემდეგ თბილისის მერს გენერალური აუდიტორის პოსტზე წარადგენდნენ, თუმცა პარლამენტის თავმჯდომარემ გენერალური აუდიტორის ვაკანტურ პოსტზე ირაკლი მექვაბიშვილის კანდიდატურა წარადგინა.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.