მიხეილ სააკაშვილი

სააკაშვილის ცნობით, მატარებელს უკრაინაში არ შეუშვებენ, თუ მას არ დატოვებს

საქართველოს მესამე პრეზიდენტის ცნობით, მატარებელს, რომლითაც მიხეილ სააკაშვილი უკრაინაში ჩასვლას აპირებს, უკრაინაში არ უშვებენ. მიხეილ სააკაშვილის განცხადებით, ხელისუფლების მოთხოვნაა სააკაშვილმა დატოვოს მატარებელი და შემდეგ მისცემენ მატარებელს უკრაინაში შესვლის უფლებს. საქართველოს მესამე პრეზიდენტმა განაცხადა, რომ უკრაინის ხელისუფლებას უკვე ჰყავს მძევლები.

საქართველოს მესამე პრეზიდენტი მიხეილ სააკაშვილი ახლა პოლონეთის ტერიტორიაზე მატარებელში იმყოფება. თავდაპირველად დაგეგმილი იყო, რომ იგი კრაკოვეცის სასაზღვრო- გამშვები პუნქტიდან უნდა შესულიყო უკრაინის ტერიტორიაზე. სააკაშვილმა განაცხადა, რომ საზღვარზე მისი მხარდამჭერების გარდა ე.წ. “ტიტუშკებიც” იმყოფებიან და პროვოკაციის საფრთხე არსებობდა.

მიხეილ სააკაშვილს უკრაინის მოქალაქეობა 2017 წლის ივლისში ჩამოართვეს. საქართველოს მესამე პრეზიდენტი საქართველოს მოქალაქე აღარაა 2015 წლიდან, როდესაც უკრაინაში ოდესის გუბერნატორის თანამდებობა დაიკავა. თუმცა შემდეგ ხელისუფლებას დაუპირისპირდა და ოპოზიციაში გადავიდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ელენე ხაჭაპურიძე არის ნეტგაზეთის რეპორტიორი 2011 წლიდან. აშუქებს პოლიტიკის, განათლების, ჯანდაცვის, ადამიანის უფლებებს და მიმდინარე მოვლენებს. e-mail ellen.khachapuridze@gmail.com