სახელმწიფო უსაფრთხოების სამსახურის საინფორმაციო ანალიტიკური დეპარტამენტის უფროსის მოადგილის, კახა ქემოკლიძის განცხადებით, ერგნეთში IPRM -ის [ინციდენტების პრევენციისა და მათზე რეაგირების მექანიზმის] ფარგლებში გამართულ შეხვედრაზე ქართული მხარე რამდენიმე საკითხს დააყენებს.
“განსაკუთრებული ყურადღება, ცხადია, ჩვენი მხრიდან დაეთმობა გიორგი გიუნაშვილის საკითხს. ეს ადამიანი ამჟამადაც იმყოფება უკანონო ე.წ. პატირობაში ცხინვალის ე.წ. ციხეში. ვისაუბრებთ მავთულხლართების შედეგად გამოწვეულ პრობელემებზე საოკუპაციო ზოლზე და მის მიმდებარე ტერიტორიაზე. აუცილებლად შეეხება საუბარი ოკუპირებულ ახალგორში ადგილობრივი აქტივისტის, თამარ მერაყიშვილის შევიწროების საკითხს”, – განაცხადა ქართულ მედიასთან საუბარში სახელმწიფო უსაფრთხოების სამსახურის საინფორმაციო ანალიტიკური დეპარტამენტის უფროსის მოადგილემ კახა ქემოკლიძემ.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
