შსს-ს პრესსამსახურის ცნობით, ბორჯომ-ხარაგაულის ტყე-პარკში, აბასთუმნის მახლობლად ხანძარი, რომელსაც 29 აგვისტოდან ებრძვიან, ლოკალიზებულია.
შსს-ს ინფორმაციითვე, ხანძრის ქრობის პროცესში ჩართულია შსს-ს საგანგებო სიტუაციების მართვის სააგენტოს, განსაკუთრებულ დავალებათა დეპარტამენტის, საპატრულო და კრიმინალური პოლიციის, ასევე, დაცული ტერიტორიებისა და ეროვნული სატყეო სააგენტოების 1000-ზე მეტი თანამშრომელი. ასევე, სხვადასხვა მიმართულებით გაიჭრა 5 კილომეტრზე მეტი გზა და ხანძრის კერებთან შეყვანილია ათეულობით ხანძარსაწინააღმდეგო ტექნიკა.
მათვე ინფორმაციით, დღეს, 31 აგვისტოს, ხანძრის ლოკალიზების სამუშაოებში საქართველოს 2, აზერბაიჯანის 1 და თურქეთის 2 ვერტმფრენი, ასევე, უკრაინის სახანძრო-სამაშველო თვითმფრინავი მონაწილეობს.
