მესტიაში ხანძარი ლოკალიზებულია – დამწვარია 2 ჰექტარი ტერიტორია

საგანგებო სიტუაციების მართვის სამსახურის ცნობით, მესტიაში გაჩენილი ხანძარი ლოკალიზებულია. სააგენტოში განმარტავენ, რომ მეხანძრე-მაშველებმა და შინაგან საქმეთა სამინისტროს ვერტმფრენმა ღია ცეცხლი ჩააქრეს.

სამაშველო ბრიგადები და ვერტმფრენიც ადგილზე რჩება. საგანგებოს სიტუაციების მართვის სამსახურში ამბობენ, რომ ხანძრის ლიკვიდაცია დამოკიდებულია ღამით იქნება თუ არა ქარი. ხვალ კი, კონტროლის მიზნით, ტერიტორიის წყლით დაფარვა იგეგმება.

რაც შეეხება დამწვარ ტერიტორიას, ფართობი 2 ჰექტარია. დაიწვა ბალახი, ბუჩქნარი და ტყის ქვედა საფარი. სამაშველო სამსახური ხანძარს 5 საათის მანძილზე აქრობდა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ელენე ხაჭაპურიძე არის ნეტგაზეთის რეპორტიორი 2011 წლიდან. აშუქებს პოლიტიკის, განათლების, ჯანდაცვის, ადამიანის უფლებებს და მიმდინარე მოვლენებს. e-mail ellen.khachapuridze@gmail.com