51019

Gem Fest-ის ტერიტორიაზე დაკავებულ ბაქარ კორშიას წინასწარი პატიმრობა შეუფარდეს

ზუგდიდის რაიონულმა სასამართლომ თეთრი ხმაურის მოძრაობის მხარდამჭერ ბაქარ ყორშიას აღვეთის ღონისძიების სახით წინასწარი პატიმრობა შეუფარდა.

მუსიკალური ფესტივალის GEM fest ტერიტორიაზე დაკავებულ ბაქარ კორშიას ბრალი დიდი რაოდენობის ნარკოტიკული საშუალების შეძენა-შენახვის მუხლით წარუდგინეს. საუბარია სსკ-ის 260-ე მუხლის მე-6 ნაწილზე, რაც განსაკუთრებით დიდი რაოდენობის ნარკოტიკული საშუალების შეძენა-შენახვას ითვალისწინებს.

აღნიშნული მუხლის მიხედვით, ბრალდებულს ემუქრება 8-დან 20 წლამდე ან უვადო პატიმრობა.

ბაქარ კორშია 3 აგვისტოს დააკავეს.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რეპორტიორი 2013 წლიდან. აშუქებს პოლიტიკის, ადამიანის უფლებების, ევროკავშირის საკითხებს და სხვა მიმდინარე მოვლენებს. Email: davit.qoqoshvili@gmail.com