ახალი ამბები

უცხოური ნომრებიდან გამოტოვებულ ზარებზე მაგთი აბონენტებს აფრთხილებს

31 ივლისი, 2017 • 3695
უცხოური ნომრებიდან გამოტოვებულ ზარებზე მაგთი აბონენტებს აფრთხილებს

მაგთიკომი საერთაშორისო ნომრებიდან გამოტოვებული ზარების თაობაზე აბონენტებს აფრთხილებს. “თუ უცხოეთიდან ზარს არ ელოდებით, მოერიდეთ ნებისმიერ უცხო საერთაშორისო ნომერზე გადარეკვას, რათა არ დაზარალდეთ”, – აცხადებს კომპანია.

“აბონენტთა საყურადღებოდ! მაგთიკომის აბონენტებთან დაფიქსირდა გამოტოვებული ზარები შემდეგი საერთაშორისო ნომრებიდან:

0067570894048;

0067570894045;

0067570894046

ნომრები საერთაშორისოა და გადარეკვის შემთხვევაში აბონენტს ჩამოეჭრებოდა ზარის საფასური. მომხმარებელთა ინტერესების დაცვის მიზნით, მაგთიკომი ასეთ შემთხევევბში დაუყოვნებელ რეაგირებას ახდენს:

1. აღნიშნულ ნომრებს ბლოკავს (საერთაშორისო კოდის 00 ან 1010-ის გამოყენებით)

2. აფრთხილებს მომხმარებლებს ოფიციალური ვებ-გვერდისა და სოციალური ქსელების საშუალებით!

ამ კონკრეტულ შემთხვევაშიც, აღნიშნული ნომრები უკვე დაბლოკილი იყო.

სამომავლოდ გირჩევთ, თუ უცხოეთიდან ზარს არ ელოდებით, მოერიდეთ ნებისმიერ უცხო საერთაშორისო ნომერზე გადარეკვას, რათა არ დაზარალდეთ”, – ვკითხულობთ მაგთის განცხადებაში.

მასალების გადაბეჭდვის წესი