მოსამართლე სასამართლო

მოსახლეობის მესამედი ფიქრობს, რომ ბოლო 5 წელში სასამართლოში ვითარება არ შეცვლილა – EU/UNDP-ის კვლევა

გაეროს განვითარების ფონდის (UNDP) და ევროკავშირის (EU) კვლევის თანახმად, კითხვაზე, თუ როგორ შეიცვალა ვითარება სასამართლოში ბოლო 5 წლის მანძილზე, 38% ამბობს, რომ გაუმჯობესდა, ხოლო მესამედს აქვს განცდა, რომ არ შეცვლილა, 10% კი მიიჩნევს, რომ გაუარესდა.

ამავე კვლევის მიხედვით, ქართულ სასამართლოს სრულად ენდობა საქართველოს მოსახლეობის 2/3, უნდობლობას კი  27% უცხადებს.

“საშუალოდ, ქართველი მოსამართლეების 56% იღებს სამართლიან და კანონის უზენაესობაზე დფიძნებულ გადაწყვეტილებას – ასეთია კვლევის ფარგლებში გამოკითხული მოსახლეობის აზრი. უნდა ითქვას, რომ მიღებული შედეგი, პრაქტიკულად, სრულად იმეორებს 2012 წელს მიღებულ შედეგებს, როდესაც “სამარლიანი მოსამართლეების” პროცენტული მაჩვენებლენი მთელ მათ ერთობლიობაში, საშუალოდ, ასევე 56%-ით განისაზღვრა… მიღებული მონაცემები ისევ ადასტურებს იმას, რომ მოსამართლეთა მნიშვნელოვანი ნაწილის კვალიფიკაციისა და ობიექტურობის მიმართ საზოგადოებაში კვლავ არის შეკითხვები,”- ვკითხულობთ კვლევაში.

ამავე კვლევის მიხედვით, სასამართლოს იმიჯის მაფორმირებელი ორი მთავარი ფაქტორი სასამართლოს გადაწყვეტილებების (35%) და მედიით გაცრცელებული ინფორმაციაა (23). რესპონდენტების დიდი ნაწილის აზრით, მედია უნდა აშუქებდეს სასამართლოში მიმდინარე მოვლენებს  (56%) და სასამართლო პროცესების მიმდინარეობას (47%). კვლევაში ასევე ვკითხულობთ, რომ როგორც ერთის, ისე მეორის გაშუქების წინააღმდეგი დახლოებით ყოველი მეათე გამოკითხულია.

ეს შედეგები გამოავლინა ევროკავშირისა (EU) და გაეროს განვითარების პროგრამის (UNDP) დაკვეთით ACT-ის მიერ ჩატარებულმა კვლევამ. ამ კვლევის მიზანი იყო საქართველოს მოსახლეობის დამოკიდებულების შესწავლა ადამაინის უფლებების დაცვისა და მართლმსაჯულების ხელმისაწვდომობის კუთხით.  ორგანიზაციების ცნობით, კვლევა ეყრდნობა 5 ათასი ადამიანის პირისპირ გამოკითხვის, 14 ფოკუს-ჯგუფისა და 29 ჩაღრმავებული ინტერვიუს შედეგებს. ჩაღრმავებული ინტერვიუები ჩატარდა საჯარო სექტორის, ბიზნესის, არასამთავრობო ორგანიზაციებისა და ლგბტ თემის წარმომადგენლებთან.  კვლევა 2016 წლის სექტემბრიდან 2017 წლის თებერვლამდე მიმდინარეობდა.

 

ნეტგაზეთის მასალების სხვა გამოცემებში გადაბეჭდვის წესი
ავტორი