ევროკავშირისა და გაეროს განვითარების ფონდის კვლევის თანახმად,  ადამიანის უფლებების შესახებ ინფორმაციის მიღების მთავარ საშუალებად ტელევიზიას  ყოველი 10 ადამიანიდან   9 ასახელებს.

სოციალური ქსელებიდან 19% იღებს ინფორმაციას, ინტერნეტ-პორტალებიდან – 11%, ბეჭდური მედიიდან კი – 10%.

ამავე კვლევის თანახმად, ტელევიზია თანაბრად პოპულარულია სხვადასხვა ტიპის დასახლებებში, სოციალურ ქსელებს კი ბევრად უფრო ხშირად მოიხმარენ თბილისში (24%), ვიდრე სოფლად (12%), სხვა ქალაქებში შესაბამისი მაჩვენებელი 21%-ია.

ევროკავშირისა და გაეროს განვითარების ფონდის კვლევა

ეს შედეგები გამოავლინა ევროკავშირისა (EU) და გაეროს განვითარების პროგრამის (UNDP) დაკვეთით ACT-ის მიერ ჩატარებულმა კვლევამ. ამ კვლევის მიზანი იყო საქართველოს მოსახლეობის დამოკიდებულების შესწავლა ადამაინის უფლებების დაცვისა და მართლმსაჯულების ხელმისაწვდომობის კუთხით.  ორგანიზაციების ცნობით, კვლევა ეყრდნობა 5 ათასი ადამიანის პირისპირ გამოკითხვის, 14 ფოკუს-ჯგუფისა და 29 ჩაღრმავებული ინტევიუს შედეგებს. ჩაღრმავებული ინტერვიუები ჩატარდა საჯარო სექტორის, ბიზნესის, არასამთავრობო ორგანიზაციებისა და ლგბტ თემის წარმომადგენლებთან.  კვლევა 2016 წლის სექტემბრიდან 2017 წლის თებერვლამდე მიმდინარეობდა.