დღეს, 25 ივლისს, თბილისის საქალაქო სასამართლოში თბილისის 53-ე სკოლის ყოფილი დირექტორი და განათლების პროფესიული “სინდიკატის” ყოფილი პრეზიდენტი ტატო (ტარას) შავშიშვილი დაიკითხა ე.წ. ციანიდის საქმეზე. შავშიშვილი საპატრიარქოს დაცვაში მუშაობდა მაშინ, როცა ამ სამსახურს სოსო ოხანაშვილი ხელმძღვანელობდა.

ეკა ლომიძის, ტარას შავშიშვილის ადვოკატის განცხადებით, შავშიშვილმა სასამართლოს განუცხადა, რომ ციანიდის საკითხზე არასდროს უსაუბრია დეკანოზთან და მისთვის ნივთიერება არ გადაუცია. ასევე, არ მიუღია მონაწილეობა სასულიერო პირების დისკრედიტაციის მიზნით სტატიების შექმნაში:

“ტატო შავშიშვილმა კიდევ ერთხელ არ დაადასტურა, რომ გიორგი მამალაძეს მისთვის ოდესმე უთხოვია ან გადაუცია ციანიდი. მსგავსი ინფორმაცია მან, რა თქმა უნდა, არ დაადასტურა.

ასევე იყი კითხვები იმასთან დაკავშირებით, მიუღია თუ არა მას მონაწილეობა ცილისმწამებლური სტატიების გამოქვეყნებაში, რაზეც ასევე მიიღო გამოძიებამ პასუხი, რომ მას არ მიუღია მსგავსი სტატიების მომზადებაში მონაწილეობა.”