დეკანოზმა კახაბერ გოგოტიშვილმა ბრალდებული სასულიერო პირის, გიორგი მამალაძის ციხეში მონახულების შემდეგ განაცხადა, რომ დეკანოზისგან პატრიარქს “რაღაც პირადული” უნდა გადასცეს:
“ეს არის მისი პირადული, პატრიარქისთვის რაღაცის გადაცემას ითხოვს და უნდა გადავცე. წერილის გამოტანის უფლება არ გვაქვს. არაფრის გამოტანის და შეტანის უფლება არ გვაქვს მასთან. მან სიტყვიერად დაგვაბარა, ლოცვა-კურთხევა გვთხოვა უწმინდესთან, რომ გადასცეს, რომ ლოცვა-კურთხევა მისცეს, დალოცოს და გაძლიერდეს,” – განაცხადა გოგოტიშვილმა.
მან ჟურნალისტების სხვა შეკითხვებს არ უპასუხა.
დეკანოზი კახაბერ გოგოტიშვილი დეკანოზ გიორგი მამალაძეს დღეს შეხვდა. მასთან ერთად შეხვედრაზე ასევე იმყოფებოდა არქიმანდრიტი დავით ჭინჭარაული.