საპარლამენტო ფრაქცია “ქართული ოცნება–კონსერვატორების” წევრის, ბიძინა გუჯაბიძის საკანონმდებლო ინიციატივა, რომლის მიხედვითაც დეპუტატებს უფლება ექნებათ პარლამენტის სხდომებს, საპროტოკოლო–საქმიანი სამოსის გარდა, ეროვნული სამოსითაც დაესწრონ, პარლამენტმა დღეს მესამე მოსმენით 88 ხმით 1-ის წინააღმდეგ, საბოლოოდ დამტკიცა.
აქამდე მოქმედი რეგლამენტით პარლამენტარებს სხდომათა დარბაზში ყოფნა შეეძლოთ მხოლოდ საპროტოკოლო–საქმიანი ჩაცმულობით.
