ახალი ამბები

ივლისში უკრაინის პრეზიდენტი საქართველოში ოფიციალური ვიზიტით ჩამოვა

23 ივნისი, 2017 • 2264
ივლისში უკრაინის პრეზიდენტი საქართველოში ოფიციალური ვიზიტით ჩამოვა

უკრაინის პრეზიდენტის, პეტრო პოროშენკოს განცხადებით, საქართველოს ოფიციალური ვიზიტით ივლისში ეწვევა. ინფორმაციას უკრაინის პრეზიდენტი “რუსთავი 2”-თან საუბარში ადასტურებს.

“თქვენთან გავამხელ, რომ პირველი სახელმწიფო ვიზიტი შედგება მიმდინარე წლის ივლისში,” – განაცხადა პოროშენკომ.

რ2-ის ინფორმაციით, პრეზიდენტმა პირდაპირ არ უპასუხა მათ შეკითხვას, ისაუბრებს თუ არა ქართულ მხარესთან მიხეილ სააკაშვილის მოქალაქეობისა და მის საქართველოში შესაძლო ექსტრადირების საკითხზე.

“არავისთან ვაპირებ უკრაინის მოქალაქის მოქალაქეობის საკითხის განხილვას, ეს ერთი, მეორე – არ ვაპირებ იმის შეფასებას, რას აკეთებს მიხეილ სააკაშვილი ჩემს ქვეყანაში, რადგან ის პირადად მე მოვიწვიე, დამხმარებოდა ოდესის ოლქში რეფორმების გასატარებლად. სამწუხაროდ, შედეგს ხედავთ. და თუ არ იცით, მნიშვნელოვანია, რომ იცოდეთ,” – განუცხადა რ2-ს პოროშენკომ.

მასალების გადაბეჭდვის წესი