ახალი ამბებიხელოვნება

TBILISI NEWCOMERS-ის მეორე ეტაპისთვის 17 მუსიკალური პროექტი შეირჩა

2 ივნისი, 2017 • 9262
TBILISI NEWCOMERS-ის მეორე ეტაპისთვის 17 მუსიკალური პროექტი შეირჩა

TBILISI NEWCOMERS-ის შოუქეისზე, რომელიც ილიაუნის თეატრში 5 ივნისს გაიმართება, ალთერვიჟენ ჯგუფის პროდიუსერები 17 მუსიკალურ პროექტს ცოცხალი შესრულებით მოისმენენ.

ყოველწლიურ მუსიკალურ პროექტში, TBILISI NEWCOMERS, რომელსაც წელს ალთერვიჟენ ჯგუფი ილიას სახელმწიფო უნივერსიტეტთან ერთად აკეთებს, მონაწილეობის სურვილი 38-მა მუსიკოსმა და ბენდმა გამოთქვა, ხოლო ჩანაწერების მოსმენის შედეგად 17 პროექტი შეირჩა.

5 ივნისს, ბენდების და მუსიკალური პროექტების ცოცხლად მოსმენის შემდეგ, ილიაუნის თეატრში ალთერ ვიჟენ ჯგუფის პროდიუსერები დაასახელებენ 10 პროექტს, რომელიც ფინალურ კონცერტში მიიღებს მონაწილეობას.

TBILISI NEWCOMERS 2017-ის SHOWCASE-ზე გასული 17 პროექტი:

  1. ფარღალალა
  2. Evergreen
  3. Dream is my reality
  4. Lie For You
  5. WiFi
  6. Blue Violence
  7. NastyFox
  8. Killages
  9. Mind Process
  10. Harry Rules
  11. The Nali
  12. Le Vancho
  13. Unlimited
  14. Infadus
  15. Hippocrate
  16. D.A.
  17. Klapperbein

Tbilisi Newcomers 2017-ის ფინალური კონცერტი 10 ივნისს, ილიაუნის დაბადების დღეზე, ლისის ტბაზე გაიმართება. სწორედ ილიაუნის დაბადების დღეს დასახელდება 2017 წლის საუკეთესო ნიუქამერები, რომლებიც ამიერკავკასიის ყველაზე დიდ მუსიკალურ ფესტივალში დაუკრავენ ისეთ მუსიკოსებთან ერთად, როგორებიცაა: ARCHIVE, ANATHEMA, LENINGRAD, SEVDALIZA, SOFT EJECT, ნინო ქათამაძე & INSIGHT, OXIA, ALEX.DO, RIPPERTON და კიდევ 50-მდე ადგილობრივი და უცხოელი მუსიკოსი.

პროექტი Tbilisi Newcomers ახალი ბენდებისა და მუსიკალური პროექტების აღმოჩენას ემსახურება. პროექტი 2009 წლიდან მოყოლებული ტარდება, ამიერკავკასიის ყველაზე დიდი მუსიკალური ფესტივალის, Tbilisi Open Air-ის ფარგლებში. Tbilisi Newcomers ქართული ალტერნატიული სცენის განვითარებას უწყობს ხელს. ცხრა წლის განმავლობაში პროექტში მონაწილეობის სურვილი 1000-მდე ქართულმა ბენდმა და მუსიკოსმა გამოთქვა.

Tbilisi Newcomers ყოველწლიურად ავლენს წლის საუკეთესო ნიუქამერ ბენდს, რომელიც უკვე შერჩეულ უცხოელ და ქართველ არტისტებთან ერთად მონაწილეობას იღებს ფესტივალში Tbilisi Open Air.

მასალების გადაბეჭდვის წესი