საქართველოს ფინანსთა მინისტრი დიმიტრი ქუმსიშვილი განმარტავს, თუ როგორ აღმოჩნდა რუსეთის პრემიერის, დიმიტრი მედვედევის გვერდით 22 მაისს თურქეთში, შავი ზღვის ეკონომიკური თანამშრომლობის (BSEC) საიუბილეო სამიტში მონაწილეთა სამახსოვრო ფოტოზე.

“მედვედევთან არ ყოფილა არანაირი შეხვედრა, ეს იყო პროტოკოლური ფოტო,” – განუცხადა ქუმისშვილმა დღეს, 23 მაისს, ჟურნალისტებს საქართველოს მთავრობის ადმინისტრაციაში, სადაც თურქეთის პრემიერ ბინალი ილდირიმს უმასპინძლეს.

BSEC-ის 25 წლის საიუბილეო სამიტს 18-22 მაისს სტამბოლმა უმასპინძლა. ორგანიზაციის წევრი ქვეყნებია ალბანეთი, სომხეთი, აზერბაიჯანი, ბულგარეთი, საქართველო, საბერძნეთი, მოლდოვა, რუმინეთი, რუსეთი, სერბეთი, თურქეთი, უკრაინა.