შსს: საგამოძიებო ჯგუფი ფარცხალაძესთან არ ყოფილა და მისი გამოკითხვა არ მომხდარა

“საგამოძიებო ჯგუფი ფარცხალაძესთან არ ყოფილა და მისი გამოკითხვა არ მომხდარა” , – ამის შესახებ ნეტგაზეთს შინაგან საქმეთა სამინისტროს პრესსამსახურში განუცხადეს რ2-ის მიერ გავრცელებულ ვიდეომასალაზე კომენტირებისას.

რ2-მა გუშინ გაავრცელა ინფორმაცია იმის შესახებ, რომ წუხელ ოთარ ფარცხალაძესთან შინაგან საქმეტა სამინისტროს თანამშრომლები იმყოფებოდნენ. შსს-ს ვკითხეთ, შეესაბამება თუ არა ეს ინფორმაცია სიმართლეს და რა მიზნით იმყოფებოდნენ შსს-ს წარმომადგენლები ყოფილ მთავარ პროკურორთან, რომელსაც გენერალური აუდტორი ცემაში ადანაშაულებს.

შსს-ში ამბობენ, რომ პოლიციელები ფარცხალაძესთან გამოკითხვის მიზნით არ ყოფილან. შსს-ში ვერ ამბობენ, როდის დაიკითხება ოთარ ფარცხალაძე.

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com