გიორგი ჩემია

იუსტიციის საბჭომ ამჯერადაც არ დანიშნა გიორგი ჩემია მოსამართლედ

გიორგი ჩემია, რომელიც  პირველ ინსტანციაში სანდრო გირგვლიანის საქმის მოსამართლე იყო, არც ამჯერად დანიშნა იუსტიციის უმაღლესმა საბჭომ მოსამართლედ.

გიორგი ჩემიას მოსამართლეობის 10-წლიანი ვადა 2012 წელს გაუვიდა. მას 2016 წელსაც სურდა 3-წლიანი გამოსაცდელი ვადით მოსამართლედ დანიშვნა. ჩემიამ კონკურსში მონაწილეობა მიიღო, თუმცა საბჭოს 10 წევრის ხმა ვერ მოაგროვა.

მას განცხადება 5 ვაკანსიაზე ჰქონდა შეტანილი. აქედან ორი- თბილისის სააპელაციო სასამართლოში, ორი -თბილისის საქალაქო სასამართლოში და ერთი – მცხეთაში.

2002-2006 წლებში გიორგი ჩემია იყო ჩოხატაურის რაიონული სასამართლოს მოსამართლე და მივლინებით მოსამართლის უფლებამოსილებას ახორციელებდა რუსთავის საქალაქო სასამართლოში; 2006-2010 წლებში იყო თბილისის საქალაქო სასამართლოს მოსამართლე; 2010 წლის ოქტომბრიდან დაინიშნა თბილისის სააპელაციო სასამართლოს მოსამართლედ.

 

ნეტგაზეთის მასალების სხვა გამოცემებში გადაბეჭდვის წესი
ავტორი