საქართველოს მთავრობა მეექსმილიონე ტურისტს პატივით შეხვდა, თბილისში კი მხოლოდ 6 მუნიციპალური საზოგადოებრივი ტუალეტია. მათი უმრავლესობა პარკებში მდებარეობს.
აღნიშნულ ტუალეტებს ყოველდღიურად თბილისის მერიის კუთვნილი კომპანია “თბილსერვის ჯგუფი” ასუფთავებს. ტუალეტები კომპანიას 2016 წლის 15 მაისს გადაეცა, მას შემდეგ, რაც მერიის კუთვნილი შპს-ები: „თბილსერვის ჯგუფი“, „უძრავი ქონება-თბილისის“, „თბილისის პარკები“ და „სინათლის ქალაქი“ გაერთიანდა.
„თბილსერვის ჯგუფი“ ტუალეტების მოვლასთან ერთად თბილისის დაგვა-დასუფთავებას, მუნიციპალიტეტის საკუთრებაში არსებული მიწისქვეშა გადასასვლელების, შადრევნების, გამწვანებული ტერიტორიების ნაწილის (პარკები, ბაღები) და გარე განათების მოვლა-პატრონობას უზრუნველყოფს.
საქართველოს სტატისტიკის ეროვნული სამსახურის ცნობით:
[checklist]
- 2016 წელს შიდა ტურიზმის მაჩვენებელი იყო – 877 000 ადამიანი
- აქედან 23% – 204 200 ადამიანი ესტუმრა თბილისს.
[/checklist]
ამის გარდა, თბილისის მერიამ 2014 წლის 12 ივნისს შპს “ირკთან” და ი/მ მერაბ გულენდათან 2014 წლის 21 მაისს გააფორმა ხელშეკრულებები, რომლის მიხედვითაც, ტუალეტები უნდა მოწყობილიყო:
[checklist]
- გმირთა მოედნის მიწიქვეშა გადასასვლელში არსებული და ახალი საპიფარეშოს მოწყობა
- ტექნიკური უნივერსიტეტის მე-6 კორპუსიდან თბილისის მერიის შენობის მიმართულებით მიწისქვეშა გადასასვლელში ტუალეტის მოწყობა
- შავთელის ქუჩაზე მიწისქვეშა გადსასვლელის ტუალეტის რეაბილიტაცია
- ვაკის პარკის მიმდებარედ მიწისქვეშა გადასასვლელში ტუალეტის მოწყობა
- ჭავჭავაძის გამზირზე, ტაბიძის ძეგლის მიმდებარად მიწისქვეშა გადსასვლელში ტუალეტიდ მოწყობა
- ვაჟა ფშაველასა და ასათიანის ქუჩების კვეთაზე საპირფარეშოს მოწყობა
- ლეონიძის და ტაბიძის ქუჩების დამაკავშირებელ მიწისქვეშა გადასასვლელში ტუალეტის მოწყობა
[/checklist]
მერიის ცნობით, ეს ხელშეკრულებები თბილისის მერიამ შეწყვიტა კონტრაქტორი კომპანიების მიერ ვალდებულებების არაჯეროვნად შესრულების მოტივით. ორივე ხელშეკრულებისთვის მერია 155 674 ლარს იხდიდა.