“სამინისტროს ფორმულირება იყო ასეთი, აღმოჩნდა 5 არალეგალური საწყობი, რომელიც სამინისტროს ბალანსზე არ არისო. როგორ შეიძლება საწყობი იყოს სამინისტროს ბალანსზე? საწყობები იყო კერძო მფლობელის, რომელთანაც სამინისტროს ჰქონდა გაფორმებული ხელშეკრულება,”- აცხადებს სუბელიანი. 

ყოფილი მინისტრის განცხადებით, ეს არის ჩვეულებრივ, სამინისტროს ბალანსზე არსებული რეზერვები, რომლის გარეშეც სამინისტროს ძალიან გაუჭირდებოდა.

გარდა ამისა, სუბელიანი ამბობს, რომ ნივთები და პროდუქტი უკვე დაურიგდათ 2008 წლის რუსული ოკუპაციის შედეგად დაზარალებულ ადამიანებს. გარდა ამისა, მისივე თქმით, პარალელურ რეჟიმში, განსახლებების დროს, ამ რეზერვებიდან და მარაგებიდან სამინისტრო დევნილებს სხვადასხვა ნივთით აკმაყოფილებდა.

“2008 წლის ოკუპაციის შემდეგ 38 სოფელში დავარიგეთ. იქ, სადაც გაზი იყო, შეშის ღუმელს ვერ მივიტანდით. ახლა ეს მარაგები ამათ უნდა გამოიყენენონ, უამრავი განსასახლებელი ადამიანი ჰყავთ, გამოიყენონ. რატომ ატეხეს ასეთი ამბავი და აჟიოტაჟი, ჩემთვის გაუგებარია,”- ამბობს სუბელიანი.

კითხვაზე, რატომ აღმოჩნდა საწყობებში არსებული ნივთები და პროდუქტი ვადაგასული და დაზიანებული, სუბელიანს პასუხი არ აქვს.

“მე ძალიან გამიჭრიდება იმის მტკიცება, რომ რაღაც ან გაფუჭებულია, ან დაზიანებულია.”