“20 დეკემბერს ნასვამ მდგომარეობაში მყოფმა მიხეილ ჩ.-მ თბილისში, სანზონის მე-10-ე “ა” კორპუსის მიმდებარე ტერიტორიაზე ურთიერთშელაპარაკების ნიადაგზე სხეულის დაზიანება მიაყენა 1973 წელს დაბადებულ ვაჟა ჯიბლაძეს. მიხეილ ჩ.-ს თანმხლებმა, ამ დროისთვის დაუდგენელმა პირმა კი ჯიბლაძეს ცივი იარაღით გულმკერდის არეში ჭრილობა მიაყენა. დაზარალებული სამკურნალო დაწესებულებაში გადაიყვანეს”, – აღნიშნულია შსს–ს განცხადებაში
დაკავებული პირის მიმართ სისხლის სამართლის საქმე 118 მუხლის I ნაწილითა (ჯანმრთელობის დაზიანება) და 239 მუხლის (ხულიგნობა) II ნაწილით აღიძრა.
ჯიბლაძის დაჭრაში ბრალდებული პირის გამოსავლენად მიმდინარეობს საგამოძიებო ღონისძიებები.