პოლიცია, ავტოსაგზაო შემთხვევა

თბილისში ავტოავარიის შედეგად “ტროტუარზე მყოფი ქვეითი” დაშავდა

ერთი ადამიანი [ქვეითი] დაშავდა თბილისში, მეტრო სარაჯიშვილთან მომხდარი ავტოსაგზაო შემთხვევის შედეგად, რის გამოც პოლიციამ გამოძიება დაიწყო.

On.ge-ის და IPN-ის ინფორმაციით, ავტომობილი ტროტუარზე მყოფ ქვეითებს შეეჯახა. ნეტგაზეთს შსს-ში განუცხადეს, რომ მათი ინფორმაციით, ავარიაში ორი ავტომობილი ფიგურირებდა და დაშავებულია ერთი ადამიანი, “დანარჩენს კი გამოძიება გაარკვევს”.

გამოძიება სისხლის სამართლის კოდექსის 276-ე მუხლის I ნაწილით მიმდინარეობს.

“ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება, – ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ”.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რეპორტიორი 2013 წლიდან. აშუქებს პოლიტიკის, ადამიანის უფლებების, ევროკავშირის საკითხებს და სხვა მიმდინარე მოვლენებს. Email: davit.qoqoshvili@gmail.com