ახალი ამბები

ხარების დღესასწაულის უქმე დღედ გამოცხადების მოთხოვნით პარლამენტს მიმართავენ

4 აპრილი, 2017 • 17797
ხარების დღესასწაულის უქმე დღედ გამოცხადების მოთხოვნით პარლამენტს მიმართავენ

“მემარცხენე ალიანსი” პარლამენტს ინიციატივით მიმართავს, რომ ხარების მართლმადიდებლური დღესასწაული 7 აპრილი უქმე დღედ გამოცხადდეს.

მემარცხენე ალიანსში აცხადებენ, რომ საკანონმდებლო წინადადებას დღეს, 4 აპრილს შეიტანენ პარლამენტში.

ხარების დღესასწაულს მართლმადიდებელი ეკლესია 7 აპრილს აღნიშნავს. მათი რწმენის მიხედვით, ამ დღეს მთავარანგელოზმა ამცნო მარიამს, რომ იესო ქრისტე დაიბადებოდა.

რატომ უნდა გამოცხადდეს უქმე დღედ 7 აპრილი? ამ კითხვაზე “მემარცხენე ალიანსში აცხადებენ, რომ ამის შესახებ მას შემდეგ ისაუბრებენ, რაც პარლამენტში საკანონმდებლო წინადადებას დაარეგისტრირებენ.

პარლამენტმა 23 თებერვალს დიდგორობა, 1121 წელს მომხდარი ბრძოლის დღე, 12 აგვისტო უქმედ გამოაცხადა.

ოფიციალური უქმე დღეები საქართველოში

  • 1 და 2 იანვარი – ახალი წლის სადღესასწაულო დღეები;
  • 7 იანვარი – უფლისა ჩვენისა იესო ქრისტეს შობის დღე;
  • 19 იანვარი – ნათლისღება – უფლისა ჩვენისა იესო ქრისტეს გაცხადების დღე;
  • 3 მარტი – დედის დღე;
  • 8 მარტი – ქალთა საერთაშორისო დღე;
  • 9 აპრილი – საქართველოს სახელმწიფოებრივი დამოუკიდებლობის აღდგენის აქტის მიღების დღე, საქართველოს ეროვნული ერთიანობის, სამოქალაქო თანხმობისა და სამშობლოსათვის დაღუპულთა მოგონების დღე;
  • სააღდგომო დღეები – დიდი პარასკევი, დიდი შაბათი, უფლისა ჩვენისა იესო ქრისტეს ბრწყინვალე აღდგომის დღე; მიცვალებულთა მოხსენიების დღე – აღდგომის მეორე დღე, ორშაბათი (თარიღები გარდამავალია);
  • 9 მაისი – ფაშიზმზე გამარჯვების დღე;
  • 12 მაისი – საქართველოს ეკლესიის, როგორც სამოციქულო საყდრის, დამაარსებლის – წმინდა ანდრია მოციქულის ხსენების დღე;
  • 26 მაისი – საქართველოს დამოუკიდებლობის დღე;
  • 28 აგვისტო – ყოვლადწმინდა ღვთისმშობლის მიძინების დღე (მარიამობა);
  • 14 ოქტომბერი – მცხეთობის (სვეტიცხოვლობის, კვართის დღესასწაულის) დღე;
  • 23 ნოემბერი – გიორგობის დღე;

მასალების გადაბეჭდვის წესი