Screen Shot 2017-04-03 at 4.40.45 PM

აფეთქება სანკტ-პეტერბურგის მეტროში, არის მსხვერპლი

სანკტ-პეტერბურგის 2 ცენტრალურ მეტროსადგურში (Сенная площадь/Технологический институт) აფეთქება მოხდა. ინფორმაციას ამის შესახებ BBC-ის რუსული სამსახური ავრცელებს. პირველადი ინფორმაციით, შემთხვევის შედეგად არიან დაღუპულებიც. რუსულ მედიაში გავრცელებული ინფორმაციით, დაიღუპა 10-მდე ადამიანი 50-მდე კი დაშავდა.

შემთხვევის ადგილის ამსახველ ფოტომასალაში ჩანს დაზიანებული ვაგონი, ბაქანზე მწოლიარე ადამიანები.

პეტერბურგის მეტროპოლიტენმა ფაქტი დაადასტურა და განაცხადა, რომ აფეთქება ჯერ კიდევ არაიდენტიფიცირებულმა ნივთმა გამოიწვია. რუსულ მედიაში ვრცელდება ინფორმაცია, რომ აფეთქების მიზეზი შესაძლოა ხელნაკეთი ბომბი ყოფილიყო. ასევე, მედიაში გავრცელებული ინფორმაციით, აფეთქება მოხდა სხვა მომიჯნავე სადგურებზეც, თუმცა ეს ინფორმაცია ოფიციალურად ჯერ არ დადასტურებულა. ამ დროისთვის ქალაქის მეტროპოლიტენის 7 სადგური სრულად დაიხურა.

მომხდარზე კომენტარი გააკეთა რუსეთის პრეზიდენტმა. ვლადიმერ პუტინის თქმით, აფეთქებას შესაბამისი უწყებები იძიებენ. მისი თქმით, გამოძიება ყველა შესაძლო მოტივით მიმდინარეობს –  მათ შორის, განიხილება ტერორიზმიც.

ნეტგაზეთის მასალების სხვა გამოცემებში გადაბეჭდვის წესი
ავტორი