9317

რუსუდან კერვალიშვილი სასამართლო დარბაზში დააპატიმრეს

“ცენტრ პოინტის” საქმეზე ბრალდებული რუსუდან კერვალიშვილი სასამართლო დარბაზში დააპატიმრეს. კერვალიშვილის და მისი დის მაია რჩეულეშვილის მიმართ სასამართლომ გამატყუნებელი განაჩენი გამოიტანა. სასამართლომ რუსუდან კერვალიშვილს და მაია რჩეულიშვილს 4 წლით თავისუფლების აღკვეთა მიესაჯა.

ადვოკატის მარიამ ცუცუქრიძის განცხადებით, მათ წინააღმდეგ სამართლებრივი დავა სამი მუხლით მიმდინარეობდა, სისიხლის სამართლის 194 – ე, უკანონო შემოსავლის ლეგალიზაციის მუხლიში სამართლომ კერვალიშვილი და რჩეულიშვილი უდანაშაულოდ ცნო. ეს მუხლი ბრალის დამტკიცების შემთხვევაში 12 წლამდე პატიმრობას ითვალისწინებს.

დანარჩენ ორ მუხლში 180-ე (თაღლითობა) და 182-ე (მითვისება და გაფლანგვა) სასამართლომ ისინი დამნაშავედ ცნო და 4 წლით პატიმრობა მიუსაჯა. ადვოკატის თქმით სასამართლომ გამოიყენა შთანთქმის პრინციპი და ასევე ამნისტია, წინააღმდეგ შემთხვევაში სასჯელი 9 წლით პატიმრობა მიესჯებოდათ.

ადვოკატის განცხადებით, საქალაქო სასამართლოს გადაწყვეტილებას სააპელაციო სასამართლოში გაასაჩივრებენ.

ნეტგაზეთის მასალების სხვა გამოცემებში გადაბეჭდვის წესი
ავტორი
ელენე ხაჭაპურიძე არის ნეტგაზეთის რეპორტიორი 2011 წლიდან. აშუქებს პოლიტიკის, განათლების, ჯანდაცვის, ადამიანის უფლებებს და მიმდინარე მოვლენებს. e-mail ellen.khachapuridze@gmail.com