ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი, ქართულთან ერთად, ევროკავშირის წევრ ქვეყნებში უვიზოდ მოგზაურობის წესებს მოქალაქეებს აზერბაიჯანულ, სომხურ და რუსულე ენებზეც სთავაზობს.

ევროპის ქვეყნებთან უვიზო მიმოსვლით სარგებლობა, საქართველოს ბიომეტრიული პასპორტის აღების შემთხვევაში, აფხაზურ და ოსურ მხარეებსაც შეუძლიათ. აფხაზებისთვის და ოსებისთვის ბიომეტრიული პასპორტებით ევროპის ქვეყნებში უვიზო მიმოსვლის შესაძლებლობის გამოყენებაზე ქართული მხარის მიერ განცახდებებიც გაკეთდა. ქართული მხარის შეთავაზებას უვიზო მიმოსვლის შესახებ აფხაზური და ოსური მხარეებისთვის აფხაზეთის დე ფაქტო რესპუბლიკის საგარეო უწყება ოფიციალური განცხადებით გამოეხმაურა. აფხაზური მხარე, კერძოდ, საგარეო უწყება, ქართული მხარის შეთავაზებას აფასებს, როგორც ოფიციალური თბილისის მორიგ მცდელობას, აფხაზეთის მოქალაქეები საქართველოს პოლიტიკურ-სამართლებრივ სივრცეში ჩართოს. აფხაზეთის დე ფაქტო რესპუბლიკის საგარეო უწყების შემდეგ ქართული მხარის შეთავაზებას ევროკავშირის ქვეყნებში უვიზო მიმოსვლასთან დაკავშირებით ოსური მხარეც გამოეხმაურა. უწყებაში აცხადებენ, რომ სამხრეთ ოსეთის მოქალაქეები კანონიერ საფუძველზე ფლობენ რუსეთის მოქალაქეობას და რუსულ დოკუმენტებს, რომლითაც მსოფლიოს მასშტაბით მოგზაურობა შეუძლიათ.