გვარამია: დეტალებზე ვერ ვისაუბრებ, თუმცა რ2 დამოუკიდებელი მხოლოდ კოლექტივის ხელში შეიძლება იყოს

“ახლა ვერ ვისაუბრებ დეტალებზე და სრულ კონტექსტზე (ოდესმე ითქმება, ალბათ), მთავარს ვიტყვი მხოლოდ – სიტუაცია იმგვარია, რომ დამოუკიდებელი რ2 მხოლოდ შემოთავაზებული ფორმით შეიძლება იყოს – კოლექტივის ხელში. თან იმგვარი კონსტრუქციით, რომ ვერც ბიძინას (პირველ რიგში) მიეყიდოს და ვერც სხვას, თუ ყველა ამაზე არ შევთანხმდით (რისი ალბათობაც ნულვანია)”, – ამ განცხადებას ფეისბუკზე რუსთავი 2-ის გენერალური დირექტორი ნიკა გვარამია აკეთებს, რომელმაც “არხის თანამშრომლების უმრავლესობის” სახელით ძმები ყარამანიშვილების შეთავაზებაზე უარი განაცხადა. ყარამანიშვილები რ2-ის კოლექტივს არხის წილის 40%-ს ჩუქნიდნენ:

ნიკა გვარამია. 6.02.2017. ფოტო: გიორგი დიასამიძე/ნეტგაზეთი

ნიკა გვარამია. 6.02.2017. ფოტო: გიორგი დიასამიძე/ნეტგაზეთი

“ერთადერთ და უკანასკნელ განცხადებას გავაკეთებ ამ თემაზე: რუსთავი2-ისთვის დავდე ყველაფერი, რაც შემეძლო და არ შემეძლო. მეც და გუნდმაც. ვინმესთვის რამის ახევა რომ მდომოდა, ისე გავაკეთებდი, ვერავინ ვერც გაიგებდა და ვერც შემეწინააღმდეგებოდა. ივანიშვილთან თანამშრომლობა რომ მდომოდა, ისე ავიღებდი ჯერ 5 და მერე გაზრდილ 10-მილიონიან “სტავკას” და უბრალოდ გავიწეოდი გვერდზე, საყვედურსაც ვერავინ მეტყოდა – უბრალოდ “დავიღლებოდი” და წავიდოდი ოჯახთან საზღვარგარეთ.

ახლა ვერ ვისაუბრებ დეტალებზე და სრულ კონტექსტზე (ოდესმე ითქმება, ალბათ), მთავარს ვიტყვი მხოლოდ – სიტუაცია იმგვარია, რომ დამოუკიდებელი რუსთავი2 მხოლოდ შემოთავაზებული ფორმით შეიძლება იყოს – კოლექტივის ხელში. თან იმგვარი კონსტრუქციით, რომ ვერც ბიძინას (პირველ რიგში) მიეყიდოს და ვერც სხვას, თუ ყველა ამაზე არ შევთანხმდით (რისი ალბათობაც ნულვანია). რაც შეეხება აშკარად მესიჯბოქსურ “ქარხნები მუშებს” – ჩვენ უსასყიდლო გადმოცემაზე არ გვისაუბრია. უბრალოდ, ამ დეტალების განცხადებაში გამოტანა არ ჩავთვალეთ საჭიროდ. გმადლბთ, რომ გვიყურებთ”, – აცხადებს გვარამია.

აქცია თბილისში 2017 წელს რ2-ის მხარდასაჭერად - "რუსთავი 2 ჩემია" © EPA/ZURAB KURTSIKIDZE

აქცია თბილისში 2017 წელს რ2-ის მხარდასაჭერად – “რუსთავი 2 ჩემია” © EPA/ZURAB KURTSIKIDZE

რ2-ის კოლექტივის უმრავლესობა, გვარამიას განცხადებით, არხის წილების უმრავლესობის მფლობელებს, ძმებს ყარამანიშვილებს, საპასუხო წინადადებით საკონტროლო პაკეტის გადაცემას სთავაზობს.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რეპორტიორი 2013 წლიდან. აშუქებს პოლიტიკის, ადამიანის უფლებების, ევროკავშირის საკითხებს და სხვა მიმდინარე მოვლენებს. Email: davit.qoqoshvili@gmail.com