სახელმწიფო უსაფრთხოების სამსახურის [სუს] უფროსი ვახტანგ გომელაური სამუშაო ვიზიტით აშშ-ში გაემგზავრა.
ამის შესახებ ინფორმაციას სუს-ის პრესსამსახური ავრცელებს.
ამავე წყაროს ცნობით, ვახტანგ გომელაური ვიზიტის ფარგლებში შეხვდება აშშ-ის ცენტრალური სადაზვერვო სააგენტოსა და გამოძიების ფედერალური ბიუროს ხელმძღვანელ პირებს. შეხვედრებზე დაგეგმილია საქართველო-აშშ-ის სტრატეგიული პარტნიორობისა და უსაფრთხოების სამსახურებს შორის ურთიერთთანამშრომლობის საკითხების განხილვა.