ელისო კილაძე და დავით ხარშილაძე

ელისო კილაძის შვილი პროტესტის უკიდურეს ფორმას მიმართავს

ელისო კილაძის შვილი დავით ხარშილაძე აცხადებს, რომ არ აპირებს იყოს მძევალი და შიმშილობას იწყებს. როგორც ხარშილაძემ დღევანდელ სასამართლო პროცესზე განაცხადა, მას სუსტი ჯანმრთელობა აქვს და შიმშილობას მაქსიმუმ 10-15 დღე გაუძლებს.

“მოგიწევთ გადააბიჯოთ ჩემს გვამს,” – ამბობს ხარშილაძე და სასამართლო პროცესების დაჩქარებულ რეჟიმში განხილვას მოითხოვს. ხარშილაძეს ბრალი დიდი ოდენობით ნარკოტიკის შეძენა შენახვაში ედება.

თვითონ აცხადებს, რომ ნარკოტიკი ჩაუდეს.

დღეს მოსამართლე ვეფხია ლომიძემ აღკვეთის ღონისძიების შეფარდებაზე იმსჯელა. პროკურატურამ პატიმრობის შეფარდება მოითხოვა, რაც დააკმაყოფილა მოსამართლემ. საქმეზე წინასასამართლო სხდომა 18 აპრილს დაიწყება.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რეპორტიორი 2013 წლიდან. აშუქებს პოლიტიკის, ადამიანის უფლებების, ევროკავშირის საკითხებს და სხვა მიმდინარე მოვლენებს. Email: davit.qoqoshvili@gmail.com