დაკავება თავდაცვის სამინისტროში

სამხედრო პოლიციამ 243 000 ლარის მითვისების ბრალდებით 2 პირი დააკავა

საქართველოს თავდაცვის სამინისტროს ინფორმაციით, 12 მარტს, სამინისტროს სამხედრო პოლიციის დეპარტამენტმა, თავდაცვის სამინისტროს სსიპ სამხედრო სამეცნიერო-ტექნიკურ ცენტრ “დელტას” მიერ დაფუძნებული შპს სამშენებლო კომპანია „მშენებელი 2011“-ის საფინანსო განყოფილების უფროსი და ამავე კომპანიის არქიტექტორ-დიზაინერი დააკავა, რომლებსაც ბრალად შპს-ს კუთვნილი, 243 000 ლარის ოდენობით თანხის მითვისება ედებათ.

სამინისტროს ინფორმაციით, 2015-2016 წლებში, ა.ბ. იკავებდა შპს სამშენებლო კომპანია „მშენებელი 2011“-ის საფინანსო განყოფილების უფროსის თანამდებობას, რა დროსაც ბ.ე.-ს პირად სახელფასო ბარათზე პერიოდულად რიცხავდა სხვადასხვა ოდენობის თანხებს და ითვისებდა ამ თანხებს.

მათ წინააღმდეგ სამხედრო პოლიციაში საქმე სსკ-ის 182-ე მუხლის II ნაწილის „დ“ და III ნაწილის “ბ” პუნქტებით აღიძრა, რაც სხვისი ნივთის ან დიდი ოდენობით ქონებრივი უფლების მართლსაწინააღმდეგო მითვისებას ან გაფლანგვას ეხება და შვიდიდან თერთმეტ წლამდე თავისუფლების აღკვეთას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი