ახალი ამბები

რუსთავი 2: ჩვენი დუმილით ვეცდებით ხმა ყველას მოგაწვდინოთ

17 თებერვალი, 2017 • 5423
რუსთავი 2: ჩვენი დუმილით ვეცდებით ხმა ყველას მოგაწვდინოთ

“ჩვენი დუმილით ვეცდებით ხმა ყველას მოგაწვდინოთ. ამ წუთიდან “რუსთავი 2″  საპროტესტო მაუწყებლობას იწყებს”, – განაცხადა ტელეკომპანია რუსთავი 2 -ის გენერალური დირექტორის მოადგილე ზაალ უდუმაშვილმა.

ეს განცხადება მან 17 თებერვალს, გვიან ღამით  საგანგებო საინფორმაციო გამოშვებაში გააკეთა. მან მაყურებელს კვირას დაგეგმილ აქციაში მონაწილეობისკენ მოუწოდა. აქცია რუსთავი 2-ის მხარდასაჭერად იმართება.

უდუმაშვილმა განაცხადა, რომ იძულებული გახდნენ ასეთი გადაწყვეტილება მიეღოთ.

რუსთავი 2-ს ცხადად არ უთქვამს, რომ გადაცემების ეთერში გაშვებას წყვეტს, თუმცა საგანგებო საინფორმაციო გამოშვების შემდეგ ეკრანზე შავი ფონი და წარწერა გადის: “ვაპროტესტებთ უსამართლობას”,  ასევე მოწოდება აქციაში მონაწილეობისაკენ.

Screen Shot 2017-02-17 at 11.45.42 PM

 

 

 

 

 

 

 

 

 

ასეთივე გამოსახულებაა ტელეკომპანიების “მარაოს” და “კომედის” არხებზე.

სამივე არხზე ეს გამოსახულება იქნება ეთერში კვირას, საპროტესტო აქციამდე. “ნეტგაზეთის” კითხვაზე გავა თუ არა  გადაცემები კვირას დაგეგმილი საპროტესტო აქციის შემდეგ, “რუსთავი 2” -ის საინფორმაციო სამსახურის უფროსმა გიორგი ლაფერაშვილმა მხოლოდ ეს გვიპასუხა: “ვნახოთ, როგორ განვითარდება მოვლენები”.


 

რუსთავი 2-ის ჟურნალისტები დღეს თბილისის ქუჩებში ავრცელებდნენ ფლაერებს და მოქალაქეებს კვირას დაგეგმილ აქციაზე  მისვლისკენ მოუწოდებდნენ.

მასალების გადაბეჭდვის წესი