ფოტო: ფეისბუკის პირადი გვერდი

პარლამენტმა ანრი ოხანაშვილის უფლებამოსილება სცნო

დღეს, 10 თებერვალს პარლამენტმა მანანა კობახიძის ადგილმონაცვლის, ანრი ოხანაშვილის სადეპუტატო უფლებამოსილება სცნო.

“ქართული ოცნების” საარჩევნო სიის მიხედვით, პარლამენტმა ანრი ოხანაშვილის უფლებამოსილება 105 ხმით 1 ხმის წინააღმდეგ სცნო.  ანრი ოხანაშვილი აქამდე პარლამენტის აპარატის ხელმძღვანელი იყო. ის ამ თანამდებობაზე 2016 წლის 7 დეკემბერს დანიშნეს.

პარლამენტის ვებგვერდზე განთავსებული ინფორმაციის თანახმად, ანრი ოხანაშვილი არის  სამართალმცოდნეობის ბაკალავრი, სამართალმცოდნეობის მაგისტრი, LL.M.-იენა, დოქტორანტი სისხლის სამართლის მიმართულებით.

8 თებერვალს, პარლამენტმა მანანა კობახიძე საკონსტიტუციო სასამართლოს მოსამართლედ აირჩია. შესაბამისი დადგენილების პროექტი პარლამენტმა 101 ხმით 10-ის წინააღმდეგ მიიღო.

ნეტგაზეთის მასალების სხვა გამოცემებში გადაბეჭდვის წესი
ავტორი
გივი ავალიანი არის ნეტგაზეთის საპარლამენტო კორესპონდენტი.