პარლამენტში კიდევ ერთი ფრაქცია “ქართული ოცნება- მწვანეები” შეიქმნა. “მწვანეებიდან” პარლამენტში მხოლოდ გიორგი გაჩეჩილაძეა, ფრაქციისთვის საჭირო ხუთი დეპუტატი მას “ქართული ოცნების” რიგებიდან დაემატა.
ფრაქციის თავმჯდომარე გიორგი გაჩეჩილაძეა, მისი მოადგილე- ზაზა გაბუნია, ხოლო წევრები: გიორგი ბრეგაძე, ირაკლი აბუსერიძე, დიმიტრი მხეიძე და სამველ მანუკიანი.
“ქართული ოცნების” დეპუტატების დახმარებით ეს რიგით მესამე პარტიის ფრაქციაა. აქამდე, ფრაქციის შექმნაში მმართველი გუნდი “მრეწველებს”, ასევე, “კონსერვატორებსა” და “სოციალ-დემოკრატები საქართველოს განვითარებისთვის” დაეხმარა.
