"დებიუროკრატიზაცია და განახლება" - ენმ-ის VII ყრილობა [ფოტო/ვიდეო] - Netgazeti • ენმ • ენმ-ის ყრილობა • ერთიანი ნაციონალური მოძრაობა • Netgazeti.ge

“დებიუროკრატიზაცია და განახლება” – ენმ-ის VII ყრილობა [ფოტო/ვიდეო]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

დღეს თბილისში, სპორტის სასახლეში ერთიანი ნაციონალური მოძრაობის ყრილობა გაიმართა. ენმ–ის 7000-დელეგატიანი ყრილობის გადაწყვეტილებით, პარტიის წესდებაში ცვლილებები შევიდა.

ყრილობის გადაწყვეტილებით, უქმდება სამდივნოები და პარტია გადადის პროექტების დაფინანსების პრაქტიკაზე; ენმ–ში შედის კონკრეტული პროექტი და პოლიტიკური საბჭო გადაწყვეტს, დააფინანსოს თუ არა. დღევანდელ ყრილობაზე ცნობილი გახდა, რომ პოლიტსაბჭოს წევრობის გარდა პარტიული თანამდებობები არ იარსებებს, თუმცა პარტიის გენერალურ მდივნად რჩება ვანო მერაბიშვილი და მის ფუნქციებს პოლიტსაბჭოს თავმჯდომარე შეითავსებს. ენმ–ის ყრილობამ მხარი დაუჭირა გადაწყვეტილებას – “მეტი ქალი პოლიტიკაში”. ენმ–ის ლიდერების განცხადებით, არჩევნებზე მისი სიის ყოველ ათეულში მინიმუმ 3 ქალი იქნება.

ერთიანი ნაციონალური მოძრაობის დღევანდელ ყრილობაზე დელეგატებმა აირჩიეს პოლიტსაბჭო, რომელიც 61 წევრისგან შედგება, მათ შორის არიან ენმ-ის როგორც ძველი, ისე ახალი სახეები.

მარიამ გერსამია ენმ-ის VII ყრილობაზე 20.01.17 ფოტო: ნეტგაზეთი/მარიამ ბოგვერაძე

დღევანდელ ყრილობაზევე პოლიტსაბჭოს თავმჯდომარედ ნიკა მელია აირჩიეს, ხოლო მოადგილეებად- ზაზა ბიბილაშვილი და ლევან ვარშალომიძე. დღევანდელ ყრილობაზე მიღებული რეზოლუციით, ენმ-ს არ ეყოლება თავმდჯომარე, ვიდრე ყოფილი თავმდჯომარე მიხეილ სააკაშვილი, ამ რეზოლუციის მიხედვით, პოლიტიკურ დევნილობაშია.