“ქართველი მებრძოლები მსოფლიოს სხვადასხვა წერტილში მტკიცედ დგანან გლობალური უსაფრთხოების სადარაჯოზე და ტერორიზმის წინააღმდეგ” – განაცხადა გიორგი მარგველაშვილმა და ისრაელის მოსახლეობას მხარდაჭერა გამოუცხადა.

ისრაელის პრეზიდენტმა რუვენ რივლინმა ქართველ ხალხს გულთბილი დახვედრისთვის მადლობა გადაუხადა და აღნიშნა, რომ ახლა კარგი დროა, კიდევ უფრო დაახლოვდეს ისრაელისა და საქართველოს ეკონომიკა და სამრეწველო პოტენციალი.
რივლინის თქმით, მნიშვნელოვანია, ქვეყნებს შორის ურათიერთობა კიბერუსაფრთხოების სფეროშიც გაძლიერდეს:

“ეს არის ძალიან მნიშვნელოვანი ჩვენთვის, რომ ჩვენი ერები და ჩვენი ხალხი იყოს უსაფრთხოდ. ჩვენ საერთო საფრთხეების წინაშე ვდგავართ, როგორც მთელი მსოფლიო. ესაა ფუნდამენტალიზმის საფრთხე, რომელიც ჩვენ გვხვდება ჩვენს ქალაქებში, ქუჩებში” – თქვა ისრაელის პრეზიდენტმა.

რუვენ რივლინმა დაგმო ტერორიზმი და საქართველოს მადლობა გადაუხადა ისრაელისთვის მძიმე წუთებში მხარდაჭერისთვის.

ისრაელის პრეზიდენტი დღეს საქართველოს პრემიერ-მინისტრს, გიორგი კვირიკაშვილსაც შეხვდება. ხვალ კი რუვენ რივლინს ქვეყნის პარლამენტის თავმჯდომრესთან აქვს დაგეგმილი შეხვედრა.

8 იანვარს ორდღიანი ოფიციალური ვიზიტით ისრაელის პრეზდენტი საქართველოს მეუღლესთან ერთად ეწვია.

საქართველოსსაქართველოს