ახალი ამბები

ლავროვი პუტინს რუსეთიდან 35 ამერიკელი დიპლომატის გაძევებას სთავაზობს

30 დეკემბერი, 2016 • 8993
ლავროვი პუტინს რუსეთიდან 35 ამერიკელი დიპლომატის გაძევებას სთავაზობს

რუსეთის ფედერაციის საგარეო საქმეთა მინისტრი, სერგეი ლავროვი პუტინს რუსეთიდან 35 ამერიკელი დიპლომატის გაძევებას სთავაზობს. ინფორმაციას ამის შესახებ “ინტერფაქსი” ავრცელებს.

ლავროვის თქმით, აშშ-დან 35 რუსი დიპლომატის გაძევება რეაგირების გარეშე არ უნდა დარჩეს და რუსეთის ფედერაციამ აშშ-ის ქმედებას ადეკვატურად უნდა უპასუხოს. გამომდინარე აქედან, ლავროვი რუსეთის პრეზიდენტს 35 ამერიკელი ტიპლომატის პერსონა ნონ-გრატად გამოცხადებას სთავაზობს.

BBC-ის ცნობით, გუშინ, 29 დეკემბერს, ამერიკის შეერთებული შტატებიდან რუსეთის 35 დიპლომატი გააძევეს აშშ-ის საპრეზიდენტო არჩევნების დროს სავარაუდო კიბერშტევების საპასუხოდ.

სახელმწიფო დეპარატამენტმა დედაქალაქ ვაშინგტონში განთავსებულ საელჩოსა და სან-ფრანცისკოში განთავსებულ საკონსულოში მომუშავე 35 დიპლომატსა და მათ ოჯახებს 72- საათიანი ვადა მისცა ქვეყნის დასატოვებლად.

სანქციებს ასევე მოელიან 9 გაერთიანებისა და პირების, მათ შორის რუსეთის სადაზვერვო და უსაფრთხოების ფედერალური სამსახურის თამაშრმლების მიმართ.

აშშ-ის სადამსჯელო პასუხი ასევე გულისხმობს მერილენდსა და ნიუ იორკში ორი რუსული გაერთიანების გაუქმებას, რომელსაც გამოიყენებდნენ ინფორმაციის მოგროვებისთვის.

პრეზიდენტმა ბარაკ ობამამ  განაცხადა, რომ საპასუხო ნაბიჯებს გადადგამდა, მას შემდეგ, რაც აშშ-მა ბრალი დასდო რუსეთს დემოკრატიული პარტიისა და ჰილარი კლინტონის კამპანიის საწინააღმდეგო კიბერშეტევების განხორციელებაში, რასაც რუსეთი არ ეთანხმება.

მასალების გადაბეჭდვის წესი