ნაციონალისტური ჯგუფების აქცია უცხოელი ლტოლვილების მიღების წინააღმდეგ

ნაციონალისტურმა ჯგუფებმა 24 დეკემბერს თბილისში, რუსთაველის მეტროსთან აქცია გამართეს საქართველოში უცხოელი ლტოლვილების მიღების წინააღმდეგ.

ნაციონალისტური ჯგუფების საპროტესტო აქცია საქართველოში უცხოელი ლტოლვილების მიღების წინააღმდეგ. 24.12.2016. ფოტო: ნეტგაზეთი/ლუკა პერტაია

აქციის მონაწილეებმა ქართველი დევნილებისათვის ტანსაცმლები მოაგროვეს და ხაზი გაუსვეს იმას, რომ ადგილობრივ დევნილებს მხარს უჭერენ, თუმცა უცხოელი მიგრანტების მიღების წინააღმდეგები არიან. 24.12.2016. ფოტო: ნეტგაზეთი/ლუკა პერტაია

ე.წ “თეთრი ნაციონალიზმის” ლოზუნგი: “ჩვენ უნდა დავიცვათ თავად ჩვენი ხალხის არსებობდა და ჩვენი თეთრი შვილების მომავალი“. ნაციონალისტური ჯგუფების საპროტესტო აქცია საქართველოში უცხოელი ლტოლვილების მიღების წინააღმდეგ. 24.12.2016. ფოტო: ნეტგაზეთი/ლუკა პერტაია

მას შემდეგ, რაც აქიციის მონაწილეებმა შეკრება დაიწყეს, მათთან საპატრულო პოლიციის თანამშრომლები მივიდნენ და გააფრთხილეს, რომ არაკანონიერი ქმედებები არ ჩაედინთ, მანიფესტანტებმა კი უპასუხეს, რომ უკანონო ქმედებებს ადგილი არ ექნებოდა.

აქციაზე მონაწილეობას იღებდნენ ნაციონალისტური ჯგუფების, “ქართული ძალის”, “ედელვაისისა” და სხვა წევრები მხარდამჭერებთან ერთად, ასევე, საქართველოს საფეხბურთო კლუბების ფანები (“ულტრასები”). დემონსტრაციის დაწყებისას შეკრებილ საზოგადოებას ორმა დემონსტრანტმა მიმართა სიტყვით, შემდეგ კი დემონსტრანტებმა შეძახილები დაიწყეს: “დიდება ერს, სიკვდილი მტერს”. აქციაზე საქართველოს მოქალაქე დევნილებისთვის ტანსაცმელი მოაგროვეს.

2016 წლის 27 სექტემბრის (როდესაც საქართველოში სოხუმის დაცემის დღეს იხსენებენ) დემონსტრაციის შემდეგ, რასაც მსვლელობის 12 მონაწილის დაკავება მოჰყვა, ეს ნაციონალისტური ჯგუფების პირველი აქციაა.

დღეს საქართველოში დაახლოებით 1400-მდე თავშესაფრის მაძიებლის მქონე პირი ცხოვრობს. საქართველომ თავშესაფრის მაძიებელთა, ლტოლვილთა და ჰუმანიტარული სტატუსის მქონე პირთა დაცვის ვალდებულება 1999 წელს აიღო, როდესაც „ლტოლვილთა სტატუსის შესახებ“ ჟენევის 1951 წლის კონვენციას მიუერთდა.