საქართველოს შინაგან საქმეთა სამინისტრომ გამოძიება სისხლის სამართლის კოდექსის მე–19 (დანაშაულის მცდელობა) და 109-ე (განზრახ მკვლელობა დამამძიმებელ გარემოებებში) მუხლებით დაიწყო.
ერთიანი ნაციონალურ მოძრაობის ცნობით, ყოფილი პარლამენტარი გივი თარგამაძე ქალაქ თბილისის პროკუარაში დაიბარეს. ამის შესახებ ინფორმაციას ნაციოალური მოძრაობა ავრცელებს. ნეტგაზეთმა მიმართა პროკურატურასაც, თუმცა მათ ამ ეტაპზე ინფორმაცია არ მოუწოდებიათ.
პარტიის პრესსსამსახურის ცნობითვე, პროკურატურაში დაბარება გივი თარგამაძის ავტომობილის აფეთქების საქმეს უკავშირდება.
ავტომობილი, რომელშიც პარლამენტის მაშინდელი დეპუტატი, გივი თარგამაძე მძღოლთან ერთად იმყოფებოდა, 4 ოქტომბერს ,საღამოს 9 საათზე, თბილისში, კოლმეურნეობის მოედანზე, ააფეთქეს. აფეთქების შედეგად 4 ადამიანი დაშავდა.
განახლება: პროკურატურაში განაცხადეს, რომ გივი თარგამაძე საკუთარი ავტომობილის აფეთქების საქმის მასალების გასაცნობად არის დაბარებული.
