“ნაციონალური მოძრაობის” პოლიტსაბჭოს წევრი ხათუნა გოგორიშვილი მიიჩნევს, რომ პარტიის ყრილობაში დაახლოებით ორი ათასმა დელეგატმა უნდა მიიღოს მონაწილეობა.

ხათუნა გოგორიშვილის განცხადებით, პარტიის ისტორიაში ეს პირველი ყრილობა იქნება, სადაც კონკრეტულ გადაწვეტილებებს მიიღებენ და არა ფორმალურს:

“ერთიანი ნაციონალური მოძრაობის ისტორიაში ეს პირველი ყრილობაა, რომელიც იქნება კონკრეტული გადაწყვეტილებების მიმღები და ეს არ იქნება საზეიმო ყრილობა, როდესაც გადაწყვეტილებები ფორმალურ ხასიათს ატარებდა ხოლმე. ძალიან სერიოზული გადაწყვეტილებებია მისაღები და აქედან გამომდინარე, მე პირადად, როგორც პოლიტსაბჭოს ერთი წევრი, უფრო საქმიანი ყრილობის ვარიანტიდან გამომდინარე მხარს ვუჭერ ორი ათასზე ოდნავ მეტი დელეგატის რაოდენობას. ეს რაოდენობაც საკმაო სირთულეს წარმოადგენს, თუმცა სამენეჯმენტოდ უფრო ადვილია,” – აღნიშნავს გოგორიშვილი.