მთავრობის განახლებულ შემადგენლობაზე პარლამენტი 26 ნოემბერს იმსჯელებს

პარლამენტი საქართველოს მთავრობის განახლებული შემადგენლობისთვის ნდობის გამოცხადებაზე 26 ნოემბერს, 12 საათზე იმსჯელებს. შესაბამისი განკარგულება პრეზიდენტმა დღეს გამოსცა.

“საქართველოს კონსტიტუციის 61-ე მუხლის მე-2 პუნქტის შესაბამისად, მოწვეულ იქნეს საქართველოს პარლამენტის რიგგარეშე სხდომა 2016 წლის 26 ნოემბრის 12 საათიდან შემდეგი დღის წესრიგით – საქართველოს მთავრობის შემადგენლობისა (N07-2/1, 22.11.2016) და სამთავრობო პროგრამის „თავისუფლება, სწრაფი განვითარება, კეთილდღეობა. სამთავრობო პროგრამა 2016-2020 წ.“ განხილვა და საქართველოს მთავრობის შემადგენლობისათვის ნდობის გამოცხადება,” – აღნიშნულია განკარგულებაში.

განახლებულ მინისტრთა კაბინეტს დღეს, 24 ნოემბერს პარლამენტის კომიტეტების სხდომებზე მოუსმინეს და მხარი დაუჭირეს. ხოლო ხვალ  ფრაქცია “პატრიოტთა ალიანსის”, ასევე, უმცირესობისა და უმრავლესობის სხდომის ფარგლებში მოუსმენენ.

 

ნეტგაზეთის მასალების სხვა გამოცემებში გადაბეჭდვის წესი


ავტორი
გივი ავალიანი არის ნეტგაზეთის საპარლამენტო კორესპონდენტი.