2015 წლის 13 ნოემბრის ტერიროსტული თავდასხმიდან 1 წლის შემდეგ პარიზში ცნობილი საკონცერტო დარბაზი ბატაკლანი ბრიტანელი მუსიკოსის სტინგის კონცერტით გაიხსნა. დარბაზი ტერაქტის ერთ-ერთი მთავარი სამიზნე იყო, სადაც ტერიროსტებმა როკ-კონცერტის დროს 90 ადამიანი მოკლეს.
ამჯერად სტინგის კონცერტს გარდაცვლილთა ოჯახის წევრები და ის ადამიანები ესწრებოდნენ, ვინც გასულ წელს ტერაქტს გადაურჩნენ.
Guardian წერს, რომ საკონცერტო დარბაზი The Eagle of Death Metal-ს უნდა გაეხსნა, სწორედ ამ ბენდის კონცერტი იმართებოდა ბატაკლანში ტერაქტის დროს, თუმცა ბენდის ერთ-ერთმა წევრმა განაცხადა, რომ შესაძლოა ტერაქტის მომზადებაში დარბაზის თანამშორმლებიც მონაწილეობდნენ. ამ განცხადების შემდეგ მათი კონცერტი დარბაზმის ხელმძღვანლებმა გააუქმეს.
2015 წლის 13 ნოემბრის მოვლენები პარიზში:
გასული წლის 13 ნოემბერს ტერაქტების სერიას საფრანგეთის დედაქალაქში 130 ადამიანის სიცოცხლე შეეწირა 350-ზე მეტი კი დაშავდა. თავდასხმებზე პასუხისმგებლობა ტერორისტულმა დაჯგუფება ისლამურმა სახელმწიფომ (ISIS) აიღო. აფეთქებები და შეიარაღებული თავდასხმები ერთდროულად 6 სხვადასხვა ადგილას – საკონცერტო დარბაზში, სტადიონის, რესტორნებისა და ბარების ახლოს მოხდა. აფეთქებები “სტად დე ფრანსის” ერთ-ერთ შესასვლელთან მაშინ მოხდა, როდესაც სტადიონზე საფრანგეთსა და გერმანიის ეროვნულ ნაკრებებს შორის საფეხბურთო მატჩი იმართებოდა. მატჩს სახელმწიფო პირები ესწრებოდნენ.
ბატაკლანის საკონცერტო დარბაზში თავდამსხმელებმა მძევლების აყვანაც შეძლეს. პოლიციამ დარბაზში ჩატარბეული სპეცოპერაციისას 8 ტერორისტი მოკლა. ჯამში, 7 -მა ტერორისტმა შეძლო თავი დანაღმული ქამრებით აიფეთქებინათ.
მომხდარიდან რამდენიმე საათში, პრეზიდენტ ფრანსუა ოლანდის ბრძანებით, ქვეყანაში საგანგებო სიტუაცია გამოცხადდა და სახმელეთო საზღვარი ჩაიკეტა.
ტერაქტების დაგეგმვის ბრალდებით საფრანგეთის პოლიციამ რადენიმე ადამიანი დააკავა.