ტერორისტული დაჯგუფება “თალიბანის” თვითმკვლელმა ტერორისტმა ხუთშაბათს, 11 ნოემბერს, გამთენიისას, ავღანეთის ჩრდილოეთში, ქალაქ მაზარ-ი-შარიფში გერმანიის საკონსულოსთან თავი აიფეთქა, რამაც 4 ადამიანის სიცოცხლე შეიწირა. შემთხვევისას დაშავდა 120-ზე მეტი ადამიანი.
როგორც გერმანიის საგარეო საქმეთა მინისტრმა განაცხადა, საკონსულოს არც ერთი თანამშრომელი არ არის დაშავებული.
ჩრდილო-ატლანტიკური ხელშეკრულების ორგანიზაციის (ნატოს) სპიკერის თქმით, აფეთქებამ “მასიური ზიანი” მიაყენა შენობას, სადაც 30-მდე ადამიანი ყოველდღიურად მუშაობს ხოლმე. აფეთქების შემდეგ კი მძიმედ შეიარაღებული თავდამსხმელები დაუპირისპირდნენ ავღანურ და გერმანულ დაცვას.
მომხდარზე პასუხისმგებლობა უკვე აიღო ტერორისტულმა ორგანიზაცია “თალიბანმა”, — მათი თქმით, ეს პასუხი იყო ნატოს მიერ ავღანეთის ქალაქ კუნდუზის ჩრდილოეთით მდებარე სოფლის დაბომბვაზე, რასაც 30 ადამიანის სიცოცხლე ემსხვერპლა.
მაზარ-ი-შარიფის პროვინციის საავადმყოფოში აცხადებენ, რომ იქ 4 დაღუპული გადმოასვენეს, ხოლო ამჟამად 120 დაშავებულია გადაყვანილი, თუმცა რიცხვი შესაძლოა გაიზარდოს.
გერმანიას, რომელიც ნატოს ერთ-ერთი მისიას (Resolute Support) მეთაურობს ჩრდილოეთ ავღანეთში, 850-მდე ჯარისკაცი ჰყავს აღნიშნული ქალაქის მიმდებარე ტერიტორიაზე, ხოლო კიდევ 20 სახელმწიფოდან — 1000 ჯარისკაცი.