შინაგან საქმეთა სამინისტროს ცნობით, სიმართლეს არ შეესაბამება ინფორმაცია, რომელიც “ქართულმა ძალამ” გუშინ, 21 ოქტომბერს გაავრცელა, თითქოს ახალგაზრდა ქალს თბილისში თურქეთის მოქალაქეები თავს დაესხნენ.
შსს-ში “ნეტგაზეთს” განუცხადეს, რომ ახალგაზრდა ქალი გუშინ პოლიციამ გამოკითხა და დანაშაული არ დადასტურდა. “ქართულმა ძალამ” გაავრცელა ფოტოც, სადაც ახალგაზრდა ქალს სახეზე ჭრილობა აღენიშნება. შსს-ში აცხადებენ, რომ ეს დაზიანება თავდასხმის შედეგი არაა.
“ქართული ძალა” ნაციონალისტური გაერთიანებაა, რომელიც თურქოფობიული განწყობებით გამოირჩევა. გაერთიანების შესახებ ვრცლად შეგიძლიათ წაიკითხოთ ამ ბმულზე.