14 ოქტომბერს თბილისში, ორთაჭალის ტერიტორიაზე, ტრანსგენდერ ქალს თავს დაესხნენ. დაზარალებულს ყელის არეში აქვს ჭრილობა მიყენებული და უმძიმეს მდგომარეობაში იმყოფება.
შინაგან საქმეთა სამინისტროს ინფორმაციით, ბრალდებული რუსთავში დააკავეს, დანაშაულის ჩადენის იარაღი – დანა ნივთმტკიცებად ამოიღეს. მათივე ინფორმაციით, დაკავებული ჩადენილ დანაშაულს აღიარებს.
“ბრალდებულმა მიმდინარე წლის 14 ოქტომბერს ორთაჭალაში, ურთიერთშელაპარაკების ნიადაგზე, ბლაგვი საგნითა და ცივი იარაღით მრავლობითი ჭრილობა მიაყენა 34 წლის ზ.შ.-ს და შემთხვევის ადგილიდან მიიმალა”- ნათქვამია გავრცელებულ განცხადებაში.
დაჭრილი ტრანსგენდერი დაახლოებით ორი წელია WISG-ს ბენეფიციარია. “ქალთა ინიციატივების მხარდამჭერი ჯგუფი” არ გამორიცხავს, რომ დანაშაული შესაძლოა დამამძიმებელ გარემოებაში, სიძულვილის ნიადაგზე იყოს ჩადენილი.
საქმეზე გამოძიება განზრახ მკლელობის მცდელობის მუხლით მიმდინარეობს.